मधेश सरकारलाई हरवाचरवा मञ्चको १० दिने ‘अल्टिमेटम’

वीरगन्ज । हरवाचरवा समुदायको लगत सङ्कलन, प्रमाणीकरण तथा परिचयपत्र वितरण प्रक्रिया तत्काल सुरु गर्न भन्दै मुक्त हरवाचरवा अधिकार मञ्चले मधेश प्रदेश सरकारसँग आग्रह गरेको छ । शुक्रबार मञ्चले मधेश प्रदेश सरकारका भूमि व्यवस्था कृषि तथा सहकारी मन्त्री श्याम पटेललाई भेटी ध्यानाकर्षण पत्र बुझाउँदै १० दिने अल्टिमेटम सहितको आग्रह गरेको हो ।

भूमिहीन मुक्त हरवाचरवा परिवारको पहिचान, सामाजिक सुरक्षा, सम्मानजनक रोजगारी, दिगो पुनःस्थापना, भूमि अधिकार तथा जीविकोपार्जन सुनिश्चित गर्न ठोस नीति, बजेट र कार्यान्वयन योजना अविलम्ब अगाडी बढाउनु पर्ने मधेश सरकारसँग मञ्चको जोडदार माग छ ।