जाजरकोट विपद्प्रति मुख्यमन्त्री शाहीद्वारा दुःख व्यक्त, उद्धार र राहतमा जुट्न निर्देशन

सुर्खेत । कर्णाली प्रदेशका मुख्यमन्त्री मंगलबहादुर शाहीले जाजरकोटमा पहिरोका कारण भएको जनधनको क्षतिप्रति दुःख व्यक्त गरेका छन्। मुख्यमन्त्री शाहीले विपद्मा परी ज्यान गुमाउनेहरू प्रति श्रद्धाञ्जली अर्पण गर्दै शोकसन्तप्त परिवारजनमा समवेदना प्रकट गरेका छन् ।

शनिबारदेखि परेको अविरल वर्षाका कारण जाजरकोटको भेरी नगरपालिका वडा नं. २, रिसाङग लगायतका क्षेत्रमा गएको पहिरोमा परी एक जनाकाे ज्यान गएकाे छ भने तीन जना बेपत्ता छन्। मुख्यमन्त्री शाहीले विपद्मा परी घाइते भएकाहरूको शीघ्र स्वास्थ्यलाभको कामना गर्दै प्रभावितहरूलाई तत्काल सहयोग पुर्‍याउने प्रतिबद्धता जनाएका छन् ।