सामाजिक सञ्जालको विकृतिबारे सांसद श्रद्धा कुँवर– ‘हामी मान्छे भएर बाँच्न बिर्सिंदै गयौँ’

काठमाडौँ । राष्ट्रिय स्वतन्त्र पार्टी (रास्वपा) की सांसद श्रद्धा कुँवरले सामाजिक सञ्जालमा व्यक्त हुने विचार र प्रविधिको प्रयोगसँगै नागरिक चेतना र जिम्मेवारी बोधका विषयमा प्रश्न उठाएकी छन्। सामाजिक सञ्जाल फेसबुकमा एक पोस्ट लेख्दै उनले प्रविधिसँगै मानवीय संवेदना र संस्कार हराउँदै गएकोप्रति चिन्ता व्यक्त गरेकी हुन्।

‘सञ्जालले सहज बनाएको हाम्रो अभिव्यक्ति र त्यही सञ्जालले जन्माएको हाम्रो राक्षसी मानसिकता देख्दा कहिलेकाहीँ लाग्छ, हामीले प्रविधि त धेरै छिटो सिक्यौँ,’ कुँवरले लेखेकी छन्, ‘तर मान्छे भएर बाँच्न भने बिर्सिंदै गयौँ।’