पहिरोमा परेर घाइते कार्कीको उपचारका क्रममा मृत्यु : संख्या पुग्यो तीन जना, दुई बेपत्ता

काठमाडौँ। अविरल वर्षाका कारण जाजरकोटको भेरी नगरपालिका–२ रिसाङमा गएको पहिरोमा परी तीन जनाको मृत्यु भएको छ भने अन्य दुई जना बेपत्ता भएका छन्।

पहिरोमा परेर घाइते भएका सोही नगरपालिका–२ साल्धाराका ५२ वर्षीय केदार कार्कीको उपचारका क्रममा मेडिकल कलेज कोहलपुरमा मृत्यु भएको छ। त्यसैगरी, बेपत्ता भएका चार जनामध्ये सोही ठाउँकी ५४ वर्षीया उमासिंह खत्री र ८३ वर्षीया रति खत्रीको शव फेला परेको सशस्त्र प्रहरी बल नेपालका सहप्रवक्ता शैलेन्द्र थापाले जानकारी दिएका छन्। पहिरोमा परेका चिसापानीका ७० वर्षीय भमीबहादुर कार्की र गैरीगाउँका १४ वर्षीय हरिस विकको अवस्था अझै अज्ञात रहेको छ।