नेपालदेखि न्यूयोर्कसम्म : सिलु मानन्धरले डिजिटल हेल्थ टेकमा बनाउँदैछिन् नयाँ पहिचान

काठमाडौं । काठमाडौंमा हुर्किएकी सिलु मानन्धरले पर्यटन व्यवसायबाट सुरु गरेको आफ्नो करियरलाई प्रविधि र डिजिटल हेल्थको क्षेत्रमा सफलतापूर्वक रूपान्तरण गरेकी छन् । अहिले उनी न्यूयोर्कमा आधारित प्रोडक्ट यूआई/यूएक्स डिजाइनरका रूपमा Ziff Davis अन्तर्गतको Lose It! मा काम गरिरहेकी छन् ।

सिलुको करियर यात्रा भने सुरुदेखि नै प्रविधि केन्द्रित थिएन । उनले पेरिसमा Discover My City नामक वाकिङ–टुर व्यवसाय सञ्चालन गरेकी थिइन् । परम्परागत पर्यटकीय गन्तव्यभन्दा स्थानीय बस्ती, कथा र संस्कृतिसँग जोडिएका अनुभव प्रदान गर्ने उनको व्यवसायले मानिसलाई बुझ्ने, उनीहरूको व्यवहार नियाल्ने र आवश्यकताअनुसार अनुभव डिजाइन गर्ने सीप विकास गर्न सहयोग गरेको थियो ।