बेटिङदेखि अश्लील सामाग्रीसम्म : गैरकानुनी साइट रोक्न प्राधिकरणको निर्देशन

काठमाडौं । नेपाल दूरसञ्चार प्राधिकरणले नेपालमा प्रतिबन्धित अनलाइन प्लेटफर्ममाथि पहुँच रोक्न इन्टरनेट तथा मोबाइल सेवा प्रदायकलाई फेरि कडाइका साथ निर्देशन दिएको छ ।

प्राधिकरणले शनिबार सार्वजनिक गरेको सूचनामार्फत अनलाइन बेटिङ, क्रिप्टोकरेन्सी, बिटक्वाइन, हाइपर नेटवर्किङ, बालयौनजन्य सामाग्री तथा अश्लील सामाग्री प्रसारण वा पहुँच हुने वेबसाइट तथा एप बन्द गर्न सेवा प्रदायकलाई निर्देशन दिएको हो ।