युक्रेनद्वारा रूसमा हालसम्मकै ठुलो हवाई आक्रमण : मस्कोसहितका क्षेत्रमा सयौँ ड्रोन प्रहार, ६ जनाको मृत्यु

युक्रेनले रूसलाई लक्षित गरी हालसम्मकै ठुलो हवाई आक्रमण गरेको छ। युक्रेनले रूसभर सयौँको सङ्ख्यामा ड्रोन हमला गरेको छ, जसका कारण कम्तीमा छ जनाको ज्यान गएको छ।

एपीका अनुसार यो आक्रमणलाई कीभको युद्धकालीन रणनीतिमा अहिलेसम्मकै सबैभन्दा ठुलो र व्यापक हवाई आक्रमणको रूपमा हेरिएको छ। आक्रमण कति भीषण थियो भन्ने कुरा रूसको रक्षा मन्त्रालयले रातारात ८२२ वटा युक्रेनी ड्रोनहरू नष्ट गरेको दाबीबाट नै प्रष्ट हुन्छ।