शिक्षा विधेयक छलफलमा शिक्षक संघसंगठनको संस्थागत सहभागिता सुनिश्चित गर्न सरकारसँग माग

काठमाडौँ- नेपाल राष्ट्रिय शिक्षक संगठनले शिक्षक कर्मचारीका पेसागत समस्या र नीतिगत समाधानका विषयमा सरकारसँग गम्भीर छलफल र संस्थागत सहभागिता सुनिश्चित गर्न माग गरेको छ।

संगठनका अध्यक्ष हंसबहादुर शाही र महासचिव प्रकाश खनालद्वारा जारी विज्ञप्तिमा शिक्षकको प्रतिनिधित्व कुण्ठित नगर्न, ट्रेड युनियन अधिकारको सम्मान गर्न र शिक्षक कर्मचारीका संस्थागत आवाजलाई शिक्षा ऐन निर्माण तथा नीतिगत छलफलमा समेट्न सरकारको ध्यानाकर्षण गराइएको छ।