फर्कियो नौ वर्षअघि सामाजिक सञ्जालमा तहल्का मच्चाएको पेय

नौ वर्षअघि सामाजिक सञ्जालमा तहल्का मच्चाएको स्टारबक्सको चर्चित ‘युनिकर्न फ्रापुचिनो’ फेरि कफी पसलको नियमित मेनुमा फर्किएको छ। स्टारबक्सले सन् २०१७ मा पहिलोपटक सार्वजनिक गरेको यो रंगीन पेय अगस्ट १५ र १६ गरी दुई दिनका लागि विश्वभरका आफ्ना कफी पसलमा पुनः बिक्रीमा ल्याएको हो। कम्पनीले यसपटक पनि पुरानै स्वाद र स्वरूपलाई कायम राखेको जनाएको छ।

गुलाबी, निलो र बैजनी रंगको आकर्षक स्वरूपका कारण चर्चामा आएको युनिकर्न फ्रापुचिनो सामान्य कफीभन्दा फरक किसिमको पेय हो। यसमा आँपको स्वाद भएको क्रिमयुक्त मिश्रण प्रयोग गरिन्छ। त्यसमाथि अमिलो स्वाद दिने निलो झोल, फेटिएको क्रिम तथा गुलाबी र निलो टपिङ राखिन्छ। पेयलाई चलाउँदा यसको रंग र स्वादमा समेत परिवर्तन आउने भएकाले यसलाई केवल पेय नभई सामाजिक सञ्जालमा देखाउन मिल्ने आकर्षक सामग्रीका रूपमा पनि हेरिएको थियो।