गगनलाई इतरको सन्देश, ‘विशेष महाधिवेशन अवैधानिक, देउवाको नेतृत्वमा १५औँ महाधिवेशनमा जाँदैछौँ’

काठमाडौं- करिब साढे पाँच महिने विदेश बसाइपछि नेपाल फर्किएको भोलिपल्टै शेरबहादुर देउवा नेतृत्वमा रहेको नेपाली कांग्रेसको एउटा समूहले राष्ट्रिय भेला गरेको छ। भेलामा उपस्थित भएका अधिकांश नेताले गगनकुमार थापालाई पार्टी सभापति स्वीकार गरेनन्।

बैठकमा बोलेकामध्ये विजयकुमार गच्छदार मध्यमार्गमा रहेर प्रस्तुत भए। त्यसमा डा. शेखर कोइरालाले पनि मध्यमार्गी बाटो समाते । गच्छदार गगनप्रति थोरै नरम र देउवाप्रति अति लचिलो देखिए। उता अर्का नेता कृष्णप्रसाद सिटौलाले ते कुन्ठा पोख्दै भने, ‘गगन त मेरो भाइ जस्तो मान्छे, मैले उसलाई कसरी सभापति मानौँ ?’