सरकार र लघुवित्त पीडितबीच ७ बुँदे सहमति, काठमाडौं केन्द्रित आन्दोलन स्थगित

सरकार र लघुवित्त तथा वित्तीय शोषणविरुद्ध किसान मजदुर आन्दोलन समितिबीच ७ बुँदे सहमति भएको छ। सहमति भएसँगै समितिले काठमाडौं केन्द्रित आन्दोलनका कार्यक्रम तत्कालका लागि स्थगित गरेको छ।

समितिले आइतबार काठमाडौंमा पत्रकार सम्मेलन गर्दै सरकारसँग भएको सहमतिबारे जानकारी दिएको हो। समितिका अध्यक्ष रमेश सेञ्चुरीले लघुवित्त पीडितका समस्या समाधान गर्न सरकारले प्रतिबद्धता जनाएकाले राजधानी मार्चसहितका आन्दोलनका कार्यक्रम स्थगित गरिएको बताए।