ग्यास बिक्रेतामार्फत सहज बिक्री वितरणको व्यवस्था मिलाउन महासङ्घको माग

काठमाडौं : ग्यास बिक्रेता महासङ्घ नेपालले ग्यास उद्योग तथा विभिन्न अस्थायी बिक्री केन्द्रबाट भइरहेको प्रत्यक्ष बिक्री वितरण रोकी स्थानीय बिक्रेतामार्फत एलपी ग्यास बिक्री गर्ने व्यवस्था मिलाउन सरकारसँग माग गरेको छ।

महासङ्घका अध्यक्ष ज्ञानेश्वर अर्यालद्वारा आज जारी विज्ञप्तिमा आधिकारिक बिक्रेतालाई पन्छाएर उद्योग र फरक–फरक स्थानका बिक्री केन्द्रमार्फत ग्यास बाँड्दा उपभोक्ताले अनावश्यक दुःख र सास्ती पाउनुका साथै ग्यासको अभाव थप जटिल बन्दै गएको उल्लेख छ।