बागलुङमा पहिरोले आठ घरमा क्षति, ४० घर उच्च जोखिममा

बागलुङ- मनसुन सक्रिय भएसँगै बागलुङको निसीखोला गाउँपालिका-२ धाराटोलमा पहिरो खस्दा आठ घरमा क्षति पुगेको छ भने ४० घर पहिरोको उच्च जोखिममा परेका छन्।

पहिरोका कारण धनबहादुर खत्री, राजन परियार, हरिकला घर्ती, दीपक परियार, तारा घर्ती, ज्ञानबहादुर परियार, देविराम घर्ती र तिका घर्तीको घरमा क्षति पुगेको हो। घर, गोठ तथा शौचालयमा आंशिक क्षति पुगेको छ।