कम्युनिस्टहरू आधारभूत वर्ग र समुदायबाट टुटेका छौं : शंकर पोखरेल

३१ साउन, काठमाडौं । नेकपा एमालेका महासचिव शंकर पोखरेलले कम्युनिस्ट पार्टीहरू आफ्नो आधारभूत वर्ग र समुदायबाट टुटेको निष्कर्ष सुनाएका छन्।

आइतबार काठमाडौंमा आयोजित ‘वामपन्थी आन्दोलन अब के गर्ने ?’ विषयक राष्ट्रिय बहसमा बोल्दै महासचिव पोखरेलले गत प्रतिनिधिसभा निर्वाचनमा एमालेले पार्टी सदस्य र उनीहरूको निकट जनमतबाहेक अन्य समुदायको मत पाउन नसकेको स्वीकारे ।