सुस्मिताको गुहार : सरकार, मेरो नागरिकता फिर्ता गरिदेऊ

उर्लाबारी, मोरङ – ‘मेरो आफ्नै सक्कली नागरिकता हातमा भइदिएको भए म पनि केही गरेर खान्थेँ, मेरो परिवार पाल्थेँ’, यति भनेपछि सुस्मिता धितालका आँखाबाट आँसु झर्छन्। आवाजमा पीडा छ, तर त्यसभन्दा ठूलो छ आफ्नै देशमा आफ्नो पहिचान खोजिरहेको एउटा नागरिकको छटपटी।

मोरङको उर्लाबारीस्थित सुन्झोडा जनटोलको सुकुम्वासी बस्तीमा बस्ने सुस्मिताको जीवनमा दुःख नयाँ होइन। गरिबी, पारिवारिक समस्या र अज्ञानतामाथि खेल्दै एउटा दलालले बनाएको कानुनी जालमा परेपछि भने उनको जीवन झन् कठिन बनेको छ।