निजी क्षेत्रलाई साझेदार बनाएर नयाँ विद्युत् विधेयक ल्याउन इप्पानको सुझाव

३१ साउन, काठमाडौं । स्वतन्त्र ऊर्जा उत्पादकहरूको संस्था, नेपाल (इप्पान) ले निजी क्षेत्रलाई उत्पादनमा मात्र सीमित नराखी ऊर्जा क्षेत्रको समग्र मूल्य शृंखलामा सहभागी गराउनेगरी नयाँ विद्युत् विधेयक ल्याउन माग गरेको छ ।

इप्पान अध्यक्ष मोहनकुमार डाँगी नेतृत्वको प्रतिनिधिमण्डलले राष्ट्रिय स्वतन्त्र पार्टी (रास्वपा) का अध्यक्ष रवि लामिछानेलाई भेटेर ऊर्जा क्षेत्रको विकास, लगानी प्रवर्द्धन र कानुनी सुधारबारे ध्यानाकर्षण गराएको हो ।