उपभोक्ता कानून ल्याउन प्रदेश सरकारलाई नैतिक दवाव

वीरगन्ज । उपभोक्ताको हितलाई परिस्कृत र व्यवहारिक गर्न मधेश प्रदेशमा पनि उपभोक्ता कानून ल्याउन दवाव बढेको छ । साथै प्रदेश सरकारलाई उपभोक्ता अदालत स्थापना गर्न समेत नैतिक दवाव बढेको हो ।

देशका अन्य प्रदेशमा ल्याइसकेको ‘उपभोक्ता कानून’ मधेश प्रदेशमा अझै बनाइएको छैन । अनि उपभोक्ता अदालतको कुरा पनि यहाँ खासै चर्चा छैन । तर उपभोक्ता अदालत स्थापना र उपभोक्ता कानून बनाउन भनी उपभोक्ता हित संरक्षण मञ्च नेपालले आइतबार वीरगन्जमा औपचारिक कार्यक्रम नै गरी प्रदेश सरकारका उद्योग बाणिज्य तथा पर्यटन मन्त्रीकै प्रमुख आतित्थ्यतामा उपभोक्ता अदालत स्थापना तथा संचालन र नसर्ने रोग रोकथाम सम्बन्धी न्यूनिकरण गर्न भनी प्रदेश सरकारलाई नैतिक दवाव दिइएको छ ।