के भएको हो पूर्वाधारमन्त्री लम्साललाई ?

बैतडी पुगेका भौतिक पूर्वाधारमन्त्री सुनील लम्साललाई स्वास्थ्यमा अचानक समस्या आएपछि काठमाडौं ल्याउने तयारी भएको छ। सुर्खेतबाट हेलिकोप्टर मगाएर बैतडीबाट धनगढी लगिएका मन्त्री लम्साललाई मौसमले साथ दिए आजै काठमाडौं ल्याउने तयारी भएको हो।

मन्त्री लम्सालसहित उनको टोलीमा रहेका सबैलाई भाइरल ज्वरो देखिएको सचिवालयले जनाएको छ। मन्त्रालयका सचिव गोपालप्रसाद सिग्देल, सहसचिव एवं सडक विभागका डिजी विजय जैशी, मन्त्री लम्सालका सुरक्षा गार्डलाई पनि उच्च ज्वरो देखिएको छ।