नेपालको सीमानजिकै वीरपुरमा भारतले किन बनाउँदैछ एयरपोर्ट ?

काठमाडौं- नेपालको सुनसरी जिल्लासँग सीमा जोडिएको भारत बिहार राज्यको सुपौल जिल्लास्थित वीरपुरमा विमानस्थलको निर्माण तथा विस्तार कार्यले तीव्रता लिएको छ । यो निर्माणाधीन विमानस्थल कोशी ब्यारेजदेखि केबल १० किलोमिटरको दूरीमा पर्छ ।

बिहारका उपमुख्यमन्त्री बिजेन्द्रप्रसाद यादवले निर्माणाधीन विमानस्थलको स्थलगत निरीक्षण गरेसँगै यसले चर्चा पाएको छ । निरीक्षणका क्रममा उनले विमानस्थल निर्माणको ठेक्का प्रक्रिया पूरा भइसकेको जानकारी दिँदै आगामी दुई वर्षभित्र सम्पूर्ण काम सम्पन्न गरिने स्पष्ट पारेका छन् ।