उच्च अदालतको आदेश विपरीत नेपाल दूरसञ्चार कम्पनीको भवन भत्काउन स्काभेटर प्रयोग

वीरगन्जको मुख्य सडक विस्तारसम्बन्धी कार्य तत्काल नगर्न/नगराउन उच्च अदालत जनकपुर अस्थायी इजलास वीरगन्जले दिएको अल्पकालीन अन्तरिम आदेशलाई सडक डिभिजन कार्यालय हेटौंडाले अवज्ञा गरेको छ।

साउन २९ गते अदालतले दिएको अल्पकालीन अन्तरिम आदेशपछि सडक डिभिजन कार्यालय हेटौंडाले वीरगन्जको घण्टाघर छेउमा रहेको नेपाल दूरसञ्चार कम्पनी कार्यालयको भवनलाई साउन ३० र ३१ गते दुईवटा स्काभेटर प्रयोग गरेर भत्काएको छ।