जनतालाई ज्वरो आउँदा सिटामोलको सास्ती, मन्त्रीलाई रुघाखोकी लाग्दा सेनाको हेलिकप्टर!

धनगढी।

सुदूरपश्चिमका विकट पहाडी जिल्लाहरूका बासिन्दा सामान्य ज्वरो आउँदा एक चक्की सिटामोल र झाडापखाला लाग्दा एक प्याकेट जीवनजल समेत नपाएर अझै पनि अकालमा ज्यान गुमाउन बाध्य छन्। तर, अर्कोतर्फ सामान्य रुघाखोकी र ज्वरो आएकै भरमा भौतिक पूर्वाधार तथा यातायात मन्त्री सुनिल लम्साललाई उद्धार गर्न नेपाली सेनाको हेलिकप्टर र स्काई ट्रक प्रयोग गरिएपछि यस क्षेत्रका नागरिकहरूले तीव्र आक्रोश र दुःख व्यक्त गरेका छन्।