रद्द गरिएको टेस्ट म्याचबाट एकदिवसीय क्रिकेटको सुरुवात

पहिलो एकदिवसीय खेल जनवरी ५, १९७१ मा अस्ट्रेलिया र इङ्गल्याण्ड बीच मेलबर्न क्रिकेट ग्राउन्डमा खेलिएको थियो। इङ्गल्याण्ड भ्रमणको तेस्रो टेस्ट लगातार चार दिनसम्म लगातार पानी पर्दा खेल संचालन हुन सकेन । दर्शकहरूलाई खाली हात फर्कनबाट रोक्नको लागि, अन्तिम दिन यानि पाँचौं दिन ४० ओभरको सीमित ओभरको खेल खेलाइएको थियो ।

खेलाडीहरूले टेस्ट खेल्दा लगाउने सेतो जर्सी नै लगाएका थिए र खेल रातो बलले खेलिएको थियो । तर, खेल्दै गर्दा यो क्रिकेटको सबैभन्दा लोकप्रिय फरम्याट हुनेछ भनेर त्यतिबेला कसैले सोचेका थिएनन् । यही ४०÷४० ओभरको खेलपछि क्रिकेटमा एकदिवसीय फरम्याटको सुरुआत भयो । त्यतिबेला एक ओभरमा ८ बल फ्याकिनु पर्ने नियम थियो ।