कुटपिटबाट औषधी व्यवसायी मृत्यु, पाँच जना पक्राउ

जाजरकोट– जाजरकोटको भेरी नगरपालिका–१० नुवागाउँमा कुटपिटबाट एक औषधी व्यवसायीको मृत्यु भएको छ। घटनामा संलग्न रहेको आरोपमा प्रहरीले पाँच जनालाई पक्राउ गरी कर्तव्य ज्यान मुद्दामा अनुसन्धान अघि बढाएको जनाएको छ।

जिल्ला प्रहरी कार्यालय जाजरकोटका अनुसार गत साउन २५ गते राति करिब ९ बजे भेरी नगरपालिका–११ जगतिपुरमा औषधी पसल सञ्चालन गर्दै आएका दैलेख नारायण नगरपालिका–२ का ३२ वर्षीय दीपककुमार थापामाथि कुटपिट भएको थियो।