थ्रीई इन्टरटेनमेन्ट दशैं-तिहारमा शिव-समीक्षासँगै मुक्ति एन्ड रिभाइभल ब्यान्डसँग अमेरिका टुर गर्दै

काठमाडौं- चर्चित गायक शिव परियार र गायिका समीक्षा अधिकारी सांगीतिक प्रस्तुति लिएर अमेरिकाका विभिन्न सहरमा पुग्ने भएका छन् । उनीहरूसँगै चर्चित नेपाली ब्लुज ब्यान्ड मुक्ति एन्ड रिभाइभलले पनि अमेरिकामा विशेष सांगीतिक यात्रा गर्ने भएको छ ।

थ्रीई इन्टरटेनमेन्ट, युएसएको आयोजनामा हुन लागेको यो दुई छुट्टाछुट्टै कार्यक्रम हो । दुई फरक कार्यक्रममार्फत आयोजकले अमेरिकामा रहेका नेपाली समुदायलाई मनोरञ्जन र सांस्कृतिक माहोल प्रदान गर्न लागेको जनाएको छ । ‘दशैं-तिहार धमाका यूएसए टुर २०२६’ मार्फत गायिका समीक्षा अधिकारी र शिव परियारले करिब २० शो गर्नेछन् । उनीहरूको कार्यक्रम तालिका आगामी सेप्टेम्बर २५ मा अस्टिन र सेप्टेम्बर २६ मा डलासबाट प्रारम्भ हुनेछ ।