लागूऔषधविरुद्ध प्रहरीको कारबाही तीव्र, विभिन्न जिल्लाबाट ११ जना पक्राउ

काठमाडौं – प्रहरीले झापा, कैलाली, धनकुटा, बाँके र दैलेखका विभिन्न स्थानबाट अवैध तथा नियन्त्रित लागूऔषधसहित ११ जनालाई पक्राउ गरेको छ।

झापाको बिर्तामोडबाट ब्राउनसुगर जस्तो देखिने पदार्थ ८३० मिलिग्रामसहित २३ वर्षीय सलिन सेख पक्राउ परेका छन्। अस्थायी प्रहरी चौकी बुट्टाबारी र अस्थायी प्रहरी पोष्ट बसपार्कबाट खटिएको प्रहरीले मे.८ प ४१०५ नम्बरको मोटरसाइकलमा सवार उनलाई उक्त पदार्थ सहित पक्राउ गरेको हो ।