निर शाह र विपिन कार्की उत्कृष्ट , पल शाह पपुलर अभिनेता

काठमाडौं । तेस्रो अन्तर्राष्ट्रिय नेपाली फिल्म अवार्ड–२०२६ (इन्फा अवार्ड) शनिबार काठमाडौंको होटल याक एण्ड यतिमा भव्य रूपमा सम्पन्न भएको छ। समारोहमा निर शाह र विपिन कार्की उत्कृष्ट अभिनेता, मिरुना मगर उत्कृष्ट अभिनेत्री, नविन चौहान उत्कृष्ट निर्देशक तथा ‘ऊनको स्वीटर’ उत्कृष्ट चलचित्र घोषित भएका छन्। त्यस्तै पल शाह लोकप्रिय अभिनेता र जसिता गुरुङ लोकप्रिय अभिनेत्री घोषित भए।

इन्फा इभेन्ट्स नेपाल र इन्फा इभेन्ट्स यूकेको संयुक्त आयोजनामा सम्पन्न समारोहको टाइटल स्पोन्सर दुगर ग्रुप रहेको थियो। नेपाली चलचित्र, कलाकार, संगीतकर्मी तथा प्राविधिकको योगदानलाई सम्मान गर्दै आयोजना गरिएको समारोहमा चलचित्र क्षेत्रका कलाकार, निर्माता, निर्देशक, प्राविधिक, सञ्चारकर्मी तथा विभिन्न क्षेत्रका विशिष्ट व्यक्तित्वहरूको उल्लेखनीय सहभागिता थियो।