सन्दकपुर-२ का वडाध्यक्ष बने उदाहरणीय कृषक

इलाम- इलामको सन्दकपुर गाउँपालिका-२ का वडाध्यक्ष सनम राई जनप्रतिनिधिसँगै गाउँका उदाहरणीय कृषक बनेका छन्। वडा कार्यालयबाट जनतालाई सेवा दिएर बचेको समय उनले व्यावसायिक किवी खेतीमा लगाएका हुन्।

‘नेताले काम गर्नुपर्छ’ भन्ने मान्यता राख्ने राईले १५ रोपनी क्षेत्रफलमा व्यावसायिक किवी खेती गरेका छन्। उनले २०७७ सालमा ‘पौरखी कृषि तथा पशुपंक्षी फार्म’ दर्ता गरी किवी खेती सुरु गरेका हुन्।