‘घन्टी’ले नै सुन्दैन संसद्को घन्टी

प्रतिनिधिसभा नियमावली, २०८३ अनुसार संसद्मा विभिन्न चरण र अवस्थामा घन्टी बजाउने व्यवस्था छ। संसद्को दैनिक बैठक सुरु हुनुभन्दा पाँच मिनेटअघि सांसदहरूलाई बैठक कक्षमा प्रवेश गर्न र स्थान ग्रहण गर्न जनाउ घण्टी बजाइन्छ। बैठक बसिरहेको समयमा कुनै निर्णय गर्दा गणपूरक संख्यामा प्रश्न उठ्यो भने पुगेनपुगेको यकिन गर्दा तीन मिनेटको जनाउ घन्टी बजाएर सांसदहरूलाई सभाकक्षमा प्रवेश गर्न सूचित गर्ने गरिन्छ। कुनै प्रस्ताव वा विधेयकमाथि संसद्मा मत विभाजन (भोटिङ) हुने अवस्थामा सांसदहरूलाई आफ्ना कक्षहरू वा बाहिरबाट सभाकक्षभित्र आउन पाँच मिनेटको घण्टी बजाउने प्रावधान छ।

गत मंगलबार कोरम नपुगेर सचिवालयले घन्टी बजाइरहँदा घन्टी चुनाव चिह्न लिएर संसद्मा झन्डै दुई तिहाइ सिट जित हासिल गरेको पार्टीले नै सुनेन। यही कारण सो दिन बैठक स्थगित गर्नुप¥यो र सरकारले पेस गरेको ‘खानी तथा खनिज पदार्थ विधेयक २०८३’ स्वीकृत हुन सकेन। सभामुखले तीन मिनेटको जनाउ घण्टी लगाएर बोलाए पनि स्वयं रास्वपाले त्यो घण्टी नसुनेको भन्दै आलोचकहरूले प्रश्न उठाएका छन्। सत्तारूढ पार्टीले आगामी दिनमा यसरी नै घण्टी बजेको नसुनेमा संसद् महŒवपूर्ण कार्य गर्नबाट वञ्चित हुने चिन्ता विज्ञहरूको छ।