निर्वाचन क्षेत्र पुगेर ‘१० गोल हान्ने’ ओलीको घोषणा

काठमाडौं । नेकपा एमालेका अध्यक्ष केपी शर्मा ओलीले २१ फागुनको निर्वाचनपछि पहिलोपटक गृहजिल्ला झापा पुगेर पार्टीभित्र उठेको नेतृत्व परिवर्तनको बहसलाई चुनौती दिएका छन् ।

काठमाडौंमा अध्यक्ष ओलीको राजीनामा र पार्टी पुनर्गठनको माग गर्दै एमालेकै दोस्रो पुस्ताका नेताहरू सक्रिय भइरहेका बेला झापा पुगेका ओलीले आफूविरुद्धका गतिविधिलाई ‘आधिकारिकताहीन होहल्ला’ भन्दै पार्टी छाडेर जान चेतावनी दिएका हुन् ।