बालबालिकाहरूमा बढ्दो मानसिक विकार!

बालबालिकाहरू भन्ने बित्तिकै जन्मेदेखि १८ वर्ष मुनिका केटाकेटीहरूलाई भनिन्छ। शिशुको जन्मसँगै उसको खानपान, घरपरिवारको साथ सहयोग, माया, ममता, विभिन्न स्वास्थ्य समस्या आउँदा गरिने उपचार, आधारभूत आवश्यकताको परिपूर्ति आदि तत्त्वहरूले उसको शारीरिक, मानसिक, सामाजिक विकासमा महत्त्वपूर्ण भूमिका निर्वाह गरेको हुन्छ।

यदि यी तत्त्वहरूको परिपूर्ति भएन वा अभाव भयो भने बालबालिकाको वृद्धि विकासमा नकारात्मक असर पर्न जान्छ। असर पर्न जाने विभिन्न पक्ष मध्ये एउटा पक्ष हो मानसिक स्वास्थ्य।