लुम्बिनी प्रदेशका मुख्यमन्त्री आचार्यलाई प्रदेशसभाबाट विश्वासको मत प्राप्त

बुटवल । लुम्बिनी प्रदेशका मुख्यमन्त्री चेतनारायण आचार्यले प्रदेशसभाबाट विश्वासको मत प्राप्त गरेका छन्।

सोमबार बसेको प्रदेशसभा बैठकमा मुख्यमन्त्री आचार्यले प्रस्तुत गरेको विश्वासको मतसम्बन्धी प्रस्तावको पक्षमा ४५ र विपक्षमा २६ मत परेको हो। प्रदेशसभामा कायम ८३ सदस्यमध्ये ७१ जना सांसद मतदान प्रक्रियामा सहभागी भएका थिए।