‘तीजको लहर आउँदा बरिलै’मा पूजन काफ्लेको मौलिक सिर्जना

तीजको लहर गाउँघरदेखि सहरसम्म फैलिँदै गर्दा नेपाली सांगीतिक क्षेत्रमा नयाँ तीज गीत सार्वजनिक हुने क्रम बढेको छ। यही क्रममा गायिका तथा गीतकार पूजन काफ्लेले आफ्नै स्वर र शब्दमा तयार पारेको नयाँ तीज गीत ‘तीजको लहर आउँदा बरिलै’ म्युजिक भिडियोसहित सार्वजनिक गरेकी छन्।

गीतमा तीजको सांस्कृतिक रौनक, माइतीको सम्झना, दिदीबहिनीको भेटघाट, दर खाने परम्परा, नाचगान तथा नेपाली महिलाको उत्साहलाई समेटिएको छ। तीज नजिकिँदै गर्दा सार्वजनिक भएको गीतले पर्वको उल्लासलाई थप जीवन्त बनाउने अपेक्षा गरिएको छ।