रेमिट्यान्समा ऐतिहासिक उछाल : १० महिनामै १९ खर्ब १६ अर्ब भित्रियो, अर्थतन्त्रलाई ठूलो टेवा

काठमाडौं । नेपालको अर्थतन्त्रको प्रमुख आधारमध्ये एक मानिएको विप्रेषण (रेमिट्यान्स) आप्रवाह चालु आर्थिक वर्षको पहिलो १० महिनामा उल्लेखनीय रूपमा बढेको छ। नेपाल राष्ट्र बैंकले सार्वजनिक गरेको चालु आर्थिक वर्ष २०८२/८३ को साउनदेखि वैशाखसम्मको आर्थिक तथा वित्तीय स्थिति प्रतिवेदनअनुसार रेमिट्यान्स आप्रवाह ४१.२ प्रतिशतले वृद्धि भई १९ खर्ब १६ अर्ब ९० करोड रुपैयाँ पुगेको छ।

अघिल्लो आर्थिक वर्षको सोही अवधिमा रेमिट्यान्स आप्रवाह १३.३ प्रतिशतले मात्र बढेको थियो। यस वर्षको वृद्धि दरले नेपाली अर्थतन्त्रमा वैदेशिक रोजगारीबाट प्राप्त आम्दानीको योगदान झनै बलियो बनेको संकेत गरेको छ।