विद्रोहीदेखि ‘गीताङ्गे माननीय’ हुँदै मन्त्रीसम्म : सोलुखुम्बुका गोम्बु शेर्पाको राजनीतिक यात्रा

विराटनगर । कोशी प्रदेशसभाको रोष्ट्रममा जब गोम्बु शेर्पा उभिएर बोल्न थाल्थे, तब सदनको माहोल अन्य सांसदको भन्दा भिन्न हुन्थ्यो । परम्परागत राजनीतिक भाषणभन्दा फरक शैलीमा गीत र व्यंग्यमार्फत जनआवाज मुखरित गर्ने उनै ‘गीताङ्गे माननीय’ अब प्रदेशको शान्ति सुरक्षा र कानून निर्माणको कमाण्ड सम्हाल्ने गरी मन्त्री बनेका छन् ।

मुख्यमन्त्री हिक्मतकुमार कार्की नेतृत्वमा पुनर्गठित सरकारमा नेपाली कम्युनिष्ट पार्टी (नेकपा) बाट गोम्बु शेर्पाले आन्तरिक मामिला तथा कानून मन्त्रीको जिम्मेवारी पाएका छन् । सोलुखुम्बुको विकट गाउँबाट सुरु भएको उनको राजनीतिक यात्रा अहिले प्रदेशको राजकाजसम्म आइपुगेको छ ।