त्रिवेणीबासीको पीडाः त्रिवेणी–दुम्किबास सडक खोलिदेउ

नवलपुरको विनयीत्रिवेणी गाउँपालिका–६ र ७ नम्बर वडाका करिब १३ हजार नागरिकलाई अहिले आफ्नै प्रदेशमा पाइला टेक्नुपर्दा कम्तिमा ४३ किलोमिटर फेरो बाटो तय गर्नुपर्छ। लुम्बिनी प्रदेश पार गरेर मात्र उनीहरु बल्ल गण्डकी प्रदेशमा पुग्न सक्छन।

निर्वाचनताका ती नागरिकलाई स्थानीयस्तरमै प्रशासनिक ईकाई खडा गरिदिने वाचा राजनीतिक दलले दिएका थिए। दुईवटा वडाका बासिन्दाका लागि त्रिवेणीमै प्रशासनिक इकाई स्थापना गरिदिने आश्वासन दलहरुले दिएका थिए। त्यत्ति मात्र होईन, ती नागरिकलाई सहज हुनेगरि दुम्कीबास–त्रिवेणीसम्मको सडक खुलाइदिने आश्वासन पनि पटकपटक दलबाट पाएकै हुन। तर, ती आश्वासन अहिलेसम्म पुरा हुन सकेको छैन।