केन्द्रको सहमतिअनुसार कोशी सरकारमा थपिए चार मन्त्री र एक राज्यमन्त्री

विराटनगर : नेपाली कम्युनिष्ट पार्टी (नेकपा)सँग प्रदेश सभामा सहकार्य गर्दै सरकार गठन गर्ने केन्द्रमा भएको सहमति अनुसार कोशी प्रदेशमा नियुक्त भएका मन्त्रीहरूले शपथ ग्रहण गरेका हुन्। कोशीमा अहिले एमाले संसदीय दलका नेता हिक्मतकुमार कार्की मुख्यमन्त्री छन्।

केन्द्रमा भएको सहमति अनुरूप कार्कीले आफ्नो मन्त्रीपरिषद्मा चार मन्त्री र एक राज्यमन्त्री नियुक्तिको लागि कोशी प्रदेशका प्रदेश प्रमुख परशुराम खापुङसमक्ष सिफारिस गरेका थिए। नवनियुक्त मन्त्रीहरूलाई प्रदेश प्रमुख खापुङले सोमबार पद तथा गोपनीयताको शपथ ग्रहण गराए।