गगन भन्छन्: बालेन सरकार पाँच वर्ष निर्वाध चल्नुपर्छ

नेपाली कांग्रेसका सभापति गगनकुमार थापाले वर्तमान राष्ट्रिय स्वतन्त्र पार्टी नेतृत्वको सरकारलाई निर्वाध रूपमा पाँच वर्ष चल्न दिनुपर्ने बताएका छन् ।

नेपाली कांग्रेसको केन्द्रीय कार्यसमितिको बैठकलाई सम्बोधन गर्दै थापाले कांग्रेस अहिले प्रमुख प्रतिपक्ष दलको हैसियतमा रहेको भन्दै प्रतिपक्षको भूमिका जिम्मेवारीपूर्वक निर्वाह गर्नुपर्ने बताए । लोकतन्त्रमा प्रतिपक्षले आफ्नो भूमिका सही ढंगले निर्वाह गर्न नसके लोकतान्त्रिक व्यवस्था नै कमजोर हुने उनको भनाइ थियो ।