गुरही पर्वले प्रकृति संरक्षण र थारू समुदायको एकताको सन्देश दिन्छ : मन्त्री चौधरी

काठमाडौँ । कृषि, वन तथा पर्यावरणमन्त्री गिता चौधरीले गुरही पर्व प्रकृति संरक्षण, जैविक विविधता र वातावरणीय सन्तुलनसहित थारू समुदायको मौलिक ज्ञान, चेतना र सम्मानको प्रतीकका रूपमा रहेको बताएकी छिन्।

उनले गुरही पर्व केवल सांस्कृतिक परम्परा मात्र नभई थारू समुदायको प्रकृतिसँगको गहिरो सम्बन्ध र पारिस्थितिक प्रणालीको सन्तुलनप्रतिको चेतनालाई प्रतिबिम्बित गर्ने उल्लेख गरिन्। थारू समुदायको प्रमुख शक्ति एकता, मौलिक संस्कृति, परम्परा र सामूहिक भावना भएको बताउँदै उहाँले अस्वस्थ प्रतिस्पर्धाभन्दा सहकार्य र सहअस्तित्व तथा विभाजनभन्दा एकतालाई प्राथमिकता दिनुपर्नेमा जोड दिइन्।