उपसभामुखले पत्रकार किशोर श्रेष्ठ विरूद्व प्रहरीमा दर्ता गराएको उजुरीमा के छ ?

काठमाडौं– उपसभामुख रुविकुमारी ठाकुरको तर्फबाट उनकी दिदीमार्फत जनआस्थाका सम्पादक तथा आस्था मिडिया प्रालिका सञ्चालक किशोर श्रेष्ठविरुद्ध प्रहरी परिसर ललितपुरमा सोमबार उजुरी दर्ता गरिएको छ । उक्त उजुरीमा विभिन्न तस्बिर, सामाजिक सञ्जालका सामग्री र त्यसको प्रकाशनलाई आधार बनाइएको छ ।

उजुरीमा श्रेष्ठले प्रकाशित गरेको समाचार तथा तस्बिरले आफ्नो व्यक्तिगत गोपनीयता, चरित्र तथा सामाजिक प्रतिष्ठामा गम्भीर असर परेको दाबी गरिएको छ । उजुरीसँगै घटनासँग सम्बन्धित तस्बिर र सामाजिक सञ्जालका स्क्रिनसटलाई प्रमाणका रूपमा पेश गरिएको उल्लेख छ । प्रहरी परिसर ललितपुरका सूचना अधिकारी एसपी गौतम मिश्रका अनुसार ठाकुरले आफ्नी दिदीमार्फत् सोमबार दिउँसो उजुरी दिएकी हुन् ।