माछापुच्छ्रे बैङ्कको नायब प्रमुख कार्यकारी अधिकृतमा कल्याण विक्रम पाँडे नियुक्त

काठमाडौँ। माछापुच्छ्रे बैङ्क लिमिटेडको नायब प्रमुख कार्यकारी अधिकृत (डिसीईओ) पदमा कल्याण विक्रम पाँडे नियुक्त भएका छन्। उनले मिति २०८३ साउन २९ गते (१४ अगस्ट २०२६) देखि बैङ्कमा नायब प्रमुख कार्यकारी अधिकृतको रूपमा पदभार ग्रहण गरेका छन्।

बैङ्किङ क्षेत्रमा करिब २५ वर्षभन्दा बढीको अनुभव सँगाल्नुभएका नवनियुक्त नायब प्रमुख कार्यकारी अधिकृत पाँडेले यसअघि ग्लोबल आईएमई बैङ्क, साबिकको जनता बैङ्क, लक्ष्मी बैङ्क तथा कुमारी बैङ्क लगायतका बैङ्कहरूमा विभिन्न महत्त्वपूर्ण जिम्मेवारीमा रहेर काम गरेका छन्।