के चीनले अरुणाचल प्रदेशमा भारतीय भूभाग अतिक्रमण गरिरहेको छ ?

नयाँदिल्ली । भारतीय प्रधानमन्त्री नरेन्द्र मोदी नेतृत्वको सरकारसँग गठबन्धनमा रहेका क्षेत्रीय राजनीतिक दलका नेताहरूको तथ्य–सङ्कलन टोलीका अनुसार, चीनले भारतीय सेनालाई अरुणाचल प्रदेशका केही महत्त्वपूर्ण गस्ती बिन्दुमा पुग्न रोक्नुका साथै भारतीय भूभागमा अतिक्रमण गरेको छ ।

यस तथ्य–सङ्कलक टोलीको प्रतिवेदनले नयाँदिल्लीमा राजनीतिक आक्रोश निम्त्याएको छ । विपक्षी दलहरूले पछिल्ला केही वर्षमा सीमाका विभिन्न क्षेत्रमा भएको भनिएको चिनियाँ अतिक्रमणबारे मोदी मौन रहेको भन्दै उनको आलोचना गरेका छन् ।