हिरासतबाट छुटेपछि किशोर श्रेष्ठको प्रतिक्रिया: ‘सत्य मरेको छैन, कलम हारेको छैन’

काठमाडौं, भदौ २ । सर्वोच्च अदालतको आदेशमा जिल्ला प्रहरी परिसर काठमाडौंको हिरासतबाट छुटेका वरिष्ठ पत्रकार किशोर श्रेष्ठले सत्य नमरेको र कलम नहारेको प्रतिक्रिया दिएका छन् ।

थुनामुक्त भएलगत्तै सामाजिक सञ्जालमार्फत आफ्नो प्रतिक्रिया दिँदै श्रेष्ठले लेखेका छन्, “पन्छीको ठाउँ पिँजडा होइन, खुल्ला आकाश नै प्रिय लाग्छ उसलाई। ढिलो होला तर भ्रमको पर्दा च्यातिन्छ,” श्रेष्ठले लेखेका छन्, “सत्य मरेको छैन, कलम हारेको छैन। सबैलाई बधाई, सबैलाई शुभकामना।”