परीक्षा सकिएको एकहप्तामा नतिजा सार्वजनिक

मकवानपुर । बागमती विश्वविद्यालयले विश्वविद्यालय अन्तर्गत सञ्चालित तीनवटा संकायको पहिलो सेमेस्टरको परीक्षा सकिएको एक हप्तामै नतिजा सार्वजनिक गरेको छ ।

विश्वविद्यालयले समय सापेक्ष गुणस्तरीय शिक्षासँगै परीक्षा प्रणालीलाई पनि प्रभावकारी बनाउँदै परीक्षाफल समयमा नै प्रकाशन गर्ने लक्ष्य राखेको थियो । सोही अनुरुप परीक्षा सम्पन्न भएको सातौँ दिनमा आज तीनवटै संकायको पहिलो सेमेस्टरको परीक्षाफल प्रकाशन गरिएको विश्वविद्यालय संरक्षक समिति (बोर्ड अफ ट्रस्टिज) का अध्यक्ष प्राडा चन्द्रमणि पौडेलले जानकारी दिए ।