फागुन २१ को निर्वाचन प्रक्रियामा प्रचण्डको आशङ्का : त्यत्रो भोट कसरी आयो ?

पोखरा । नेपाली कम्युनिस्ट पार्टीका संयोजक पुष्पकमल दाहाल प्रचण्डले फागुन २१ गतेको निर्वाचन प्रक्रियामाथि प्रश्न र आशङ्का गरेका छन् । उनले भदौ २३ र २४ गतेको जेनजी आन्दोलनलाई प्रतिक्रान्ति र फागुनको निर्वाचनलाई त्यसैको निरन्तरता भएको तर्क गरेका हुन् ।

‘यो निर्वाचनलाई हेर्ने हो भने यहाँ अत्यन्तै अस्वाभाविक र अनौठा परिदृश्यहरू देखिएका छन् । चुनावमा मतपत्र छापिएका छन्, मतपेटिका पुगेका छन् र मतदाताले भोट पनि हालेका छन्,’ उनले भने- ‘१७ गते बेलुकासम्म आफ्नो क्षेत्रमा ३०० देखि ४०० भन्दा बढी भोट आउँदैन र चुनावपछि तपाईंको पार्टीमा आउँछु भन्ने उम्मेदवारको २१ गते एक्कासि ४५ हजार भोट आउँछ । यो परिणाम स्वयं ती उम्मेदवार आफैँले पनि पचाउन सकिरहेका छैनन् ।’