राज्यको असंवेदनशीलताले गणेश नेपालीको ज्यान गएको नेकपाको आरोप, निष्पक्ष छानबिनको माग

काठमाडौं- नेपाल कम्युनिष्ट पार्टी (नेकपा) ले मुगुका २५ वर्षीय गणेश नेपालीको आत्मदाहपछि भएको निधनप्रति गहिरो दुःख व्यक्त गर्दै घटनाको निष्पक्ष छानबिन र दोषीमाथि कारबाहीको माग गरेको छ।

पार्टीले शनिबार विज्ञप्ति जारी गर्दै राज्यका निकायको असंवेदनशील र अमानवीय व्यवहारका कारण गणेश नेपाली आत्मदाह गर्न बाध्य भएको दाबी गरेको छ। आत्मदाहको प्रयासपछि पनि जीवन बचाउन संवेदनशील भूमिका खेल्नुको सट्टा बल प्रयोग, जरिवानाको दबाब, धम्की र घिसारेर हिँडाउनेजस्ता व्यवहार गरिएको आरोप पार्टीले लगाएको छ।