सांसद अधिकारीको प्रश्न– ‘गौरवका आयोजनाको लागत अर्बौँ बढ्दा आयोग र सरकार किन मौन ?’

काठमाडौं । राष्ट्रिय स्वतन्त्र पार्टी (रास्वपा)की सांसद लिमा अधिकारीले राष्ट्रिय गौरवका आयोजनाको लागतमा भएको अस्वाभाविक वृद्धि, आयोजना सम्पन्नमा भइरहेको ढिलाइ तथा नेपाल कम विकसित मुलुक (एलडीसी)बाट स्तरोन्नति भएपछि देखिन सक्ने चुनौतीबारे सरकारको ध्यानाकर्षण गराएकी छन्।

सोमबार प्रतिनिधिसभाअन्तर्गत अर्थ समितिको बैठकमा बोल्दै अधिकारीले रणनीतिक महत्वका आयोजनालाई राजनीतिक स्वार्थका आधारमा राष्ट्रिय गौरवका आयोजनाको सूचीमा थप्ने तर समयमै सम्पन्न नगर्ने प्रवृत्तिले राज्यकोषमा अर्बौँ रुपैयाँको अतिरिक्त भार परेको बताइन्।