ट्राफिक नियम उल्लंघनको जरिबाना श्रमदानबाट तिर्ने कानून बन्दैछ : मन्त्री लम्साल

काठमाडौं । सरकारले सवारी चालक नियम उल्लंघन गर्नेहरूमाथिको जरिबाना श्रम शिविरमा राखेर भने पनि असूल गर्ने नयाँ कानून मस्यौदा गरेको छ । प्रतिनिधिसभाको बैठकमा सांसदहरूका प्रश्नको जवाफ दिँदै पूर्वाधारमन्त्री सुनिल लम्सालले अहिलेको ट्राफिक जरिबाना निकै कम रहेको बताए ।

मन्त्री लम्सालले एकैपटक ५० हजार जरिबाना लिने भनेर हल्ला गरिए पनि स्पिड लिमिट ३ पटक उल्लंघन गरेमा त्यति रकम तिराइने बताए । त्यो भन्दा पनि नियम उल्लंघन गरेमा सवारी चालक अनुमतिपत्र रद्द समेत गरिने उनको भनाइ छ ।