दयाहाङ र मिरूनाकाे ‘रातो घेरा’ मुहूर्त, अर्को सातादेखि छायाङ्कन

काठमाडौँ । अनिल बुढा मगरको निर्देशन रहने चलचित्र `रातो घेरा – द रेड सर्कल´ को शुभ मुहूर्त गरिएको छ । बिहीबार पाटनस्थित बंगलामुखी मन्दिरमा कलाकार तथा पत्रकारकाे उपस्थितिमा चलचित्रको शुभ मुहूर्त गरिएको हो । चलचित्रको छायाङ्कन असार २५ गतेदेखि सुरु हुनेछ।

अभिनेता दयाहाङ राई र अभिनेत्री मिरुना मगर सहित करिब दुई दर्जन कलाकारहरूको अभिनय रहने चलचित्रको निर्माण विश्राम फिल्म्स प्रा. लि. को ब्यानरमा निर्माण हुन लागेको हो। अधिकांश छायाङ्कन काठमाडौँ उपत्यकामा गरिने चलचित्र आगामी मंसिर १८ गतेबाट प्रदर्शनमा आउने छ।