रोनाल्डोको गोलको प्रतीक्षा: के क्रोएसियाविरुद्ध तोडिएला २१ वर्ष लामो खडेरी ?

फुटबल इतिहासका महान् खेलाडीमध्येका एक क्रिस्टियानो रोनाल्डो यतिबेला आफ्नो करियरको एउटा यस्तो चुनौतीसँग जुधिरहेका छन्, जसले उनलाई विगत २१ वर्षदेखि पच्छ्याइरहेको छ।

४१ वर्षको उमेरमा आफ्नो छैटौँ विश्वकप खेलिरहेका रोनाल्डोले हालसम्म विश्वकपको नकआउट चरणमा एउटै पनि गोल गर्न सकेका छैनन् । शुक्रबार बिहान पौने ५ बजे टोरन्टोमा पोर्चुगलले क्रोएसियाको सामना गर्दा रोनाल्डोको मुख्य लक्ष्य विश्वकपको नकआउट खेलमा गोल गर्न नसकेको आफ्नो बिर्सनलायक रेकर्डलाई सुधार गर्नु हुनेछ।