युवा सशक्तीकरणले समृद्ध समाज निर्माण हुन्छ : प्रदेश प्रमुख मियाँ

कैलाली । सुदूरपश्चिम प्रदेश प्रमुख नजिर मियाँले समाज र राष्ट्रको विकास तथा समृद्धिका लागि सशक्त युवा पङ्क्ति आवश्यक रहेको बताएका छन् ।

नेपाल स्काउटले आयोजना गरेको ‘फिनल्याण्ड–नेपाल पार्टनरशिप प्रोजेक्ट’ अन्तर्गतको ‘स्काउट्स पिस एन्ड सेक्युरिटी’ कार्यक्रममा मङ्गलवार धनगढीमा बोल्दै उनले पछिल्लो समय युवाहरू कुलततर्फ आकर्षित भइरहेको उल्लेख गर्दै त्यसबाट जोगाई समुन्नत समाज निर्माणमा परिचालन गर्नुपर्ने आवश्यकता औँल्याएका थिए ।